السبت، 6 مايو 2017

شرح الباي بال بسهولة paypal

 مرحبا


كثير يسألوني عن البي بال وقلت اشرح في التدوينة عشان سهل انكم ترسلون الرابط لأي احد يبغي يتعلم له




بشرح لكم ايش هو البي بال
سهل جداً جداً جداً 
وماياخذ منكم وقت
بس الأكيد لازم يكون معاكم ڤيزا 
صراحة أشوفه راعي فزعات،ولازم كلكم تشتركون
،،
احياناً مواقع ماتقبل ڤيزتي وادفع عن طريقة وتتم عملية الدفع
،،


ايش هو؟
،،
موقع الكتروني تسجلون فيه،هذا هو في الصورة👆🏼
وهذا الرابط
https://www.paypal.com/sa/webapps/mpp/home
كيف طريقته؟
،،
كأنه وسيط بينك وبين الموقع اللي تبغين تشترين منه،يعني عند خيارات الدفع تلقون مكتوبvisa master card وpaypal
،،
تلاقونه في اغلب المواقع موجود
،،
حطيتي الدفع باي بال يروح على طول يحولك على صفحة الباي بال ويقولك المبلغ وتسوين شيك آوت من نفس الصفحة
،،
تصير الڤيزا مربوطة بالباي بال،وعلى طول يجيك إيميل بعملية الشراء
،،




إيش فايدته؟
،،
بدل ماتحطين في كل المواقع ڤيزتك،يدفع لك بدون مايعطي الموقع بيانات البطاقة حقتك
وايضاً إذا صار مشكلة بينك وبين البائع ترسلين لهم الشكوى وهم يتواصلون مع البائع ويرجعون لك فلوسك
واخر شي ،بعض المواقع ماتقبل الڤيزا وادفع بالباي بال ويقبلون
،،




طريقة الإشتراك
,,
اكتبوا paypal
أو باي بال بالعربي
من الصفحة حطوا اللغة عربي،،وسجلوا إيميل ورقم سري وعنوان وبيانات الڤيزا
وبس كذا صار عندكم حساب في الباي بال،
،،

مجاني بدون رسوم
،،
عند العملية الشرائية ياخذون رسوم على كل عملية شراء،يعني تلقون المبلغ زاد كم دولار اذا حولكم على صفحة الباي بال
،،
الإيميل والرقم السري خلوها محفوظة عشان كل ماتسون عملية يفتح لكم الصفحة بدون ماتدخلون الرقم 
،،
فيه خدمات أخرى تحويل أموال وأشياء كذا،بس ماأستخدمه الا في الدفع

...

ليست هناك تعليقات:

إرسال تعليق