الأربعاء، 22 فبراير 2017

موقع Shutterfly لطباعة الصور



موقع Shutterfly،موقع لطباعة الصور

https://www.shutterfly.com

هذا رابط الموقع


موقع جديد ومميز ورائع،،ويناسب الجميع وخصوصاً الأمهات اللي عندهم اطفال،واي شخص يحب الذكريات،،قلت الأطفال لأني مااعرف كيف الخصوصية لصور النساء اذا تبقى عندهم او تنحذف،
 من الخدمات اللي فيه يطبع لك الصور الفوتوغرافية،
ويسوي البوم كامل،ويطبعون لك الصور على مخدات او اكواب او لوح تتعلق في الجدار،وعلى اغطية الجوال وطريقته سهلة تختارين الصور من البوم الصور في جوالك أو من إنستقرام

عندهم تطبيق للجوال
هذا هو

،،عندهم عروض حلوة جداً،،على طول يحطون اشياء مجانية
كان عندهم طباعة صور مجانية طبعت يمكن ٢٠٠صورة مجانية،مازال العرض موجود
وسويت البوم 50 صورة وسعرة 19$ بس
تختارين اي حجم لطباعة الصور
خياراتهم متنوعة 

ياخذون حق الشحن بس وكلما زادت الصور زادت قيمة الشحن
عندهم شحن دولي لدول الخليج بس السعودية مافيه،وشحنتها على عنواني الأمريكي
مره حبيت الموقع،يعني خلاص ماعد فيه حسافه ان صور الجوال تنمسح،كل الصور نطبعها أول بأول👏🏼

أنا أحب التصوير والصور جداً،وفرحت بهذا الموقع بعتمده رسمياً لك الصور،وسعره رخيص،

طبعت صور الأطفال بحجم 6x4،جودتها رائعة هذي هي، بعض منها عشان تشوفون الجودة
صور اطفال العائلةانا صورتها وعجبتني مره الجودة وواضحة وحلوه،

الصور المطبوعة حلوه،
هذا الألبوم


طلبته عشان اجرب وماجت كل الصور مضبوطة يعني نص الصفحة،مقاسه 6x6،شوفوا كيف بعض الصور ماتجي كاملة زي هذي اللي على اليمين واللي على اليسارالوجه مو كامل، يمكن عشان الحجم صغير ،اتوقع لو طلبت اكبر اتوقع تجي مضبوطة
اغلب الصور اللي طبعتها من تصويري احب الصور اللي اصورها:)

شحنتها على الورلد شيبworld ship وصل الألبوم لوحده والصور لوحدها ويقبل الدفع من جميع الدول
......

ليست هناك تعليقات:

إرسال تعليق