منتجات هدى بيوتي وطريقة الطلب من موقعها SHOP HUDA BEAUTY

مرحبا،،❤

كيفكم صبايا؟

موقع اليوم رائع،ومنتجات أروع،موقع الجميلة هدى بيوتي

هذا رابط الموقع

http://www.shophudabeauty.com

موقعهم في دبي وهذا احلى شي،موقع مكياج جميل وفي دولة عربية وخليجية يعني الشحن سريع ودايركت،الموقع فيه منتجات هدى بيوتي

رموش،وارواج ،وباليت شدو

كل منتجاتها متوفرة في سيفورا

الرموش كان اول منتج طلع قبل سنتين اعتقد،مره حلوة وتنلبس كثير وتغليفها حلو

طلبت يوم الأحد ويوم الأثنين انشحنت مع dhl

وصلت بعد 3أيام من الشحن،وهذا احلى شي

الدفع بي بال فقط،اتوقع بعد فترة بتكون في خيارات دفع اكثر

مشترياتي كانت أرواج سائلة مات

وغرا رموش

غرا الرموش دائما اشتريه من سيفورا بس بعد تجربتي للموقع بعتمده للطلبات،واحلى غرا سهل وسلس، سعره 85

والأرواج ب27$ يعني 100 ريال

وانا ابحث لقيت موقع يبيع نفسها ب150،طيب ليش دام الموقع الأصلي يبيعها بأقل،

هذي الأرواجLIQUID MATTE

أسمه BOMBSHELL لونه نود

GOSSIP GURL لونه فوشي اغمق من الصورة،يحتاج له خلط مع لون ثاني،مااحب الغوامق

رأيي فيها،جميلة التغطية تمام امرر الفرشة مرة وحدة واللون يغطي الشفايف كاملة،ثواني وينشف وثابت وخفيف على الشفايف،بس اي روج مات لازم ترطيب قبل الروج،تستاهل السعر وتغليفها جميل مرة 

،،

في شي لاحظته في الموقع في الأسعار اذا حطيت العنوان أمريكا تطلع الأسعار اقل تصير الأرواج ب75,ماعرف ليش التفرقة

،،

حبيت الموقع واشكر هدى بيوتي على منتجاتها الرائعة والموقع الأروع

،،

القاكم في مواقع جديدة❤