قبل العيد أفضل ڤيزا للتسوق وطريقة إشتراك shop&ship

مرحبا💕

بمناسبة قرب رمضان وبعده العيد،هذا وقت التسوق

ووقت القوة الشرائية عندنا،،

حبيت اتكلم عن التسوق وأفيدكم بطريقة الإشتراك في شركة الشحن وافضل بطاقة ڤيزا،

ولأن تجيني اسئلة في الدايركت إذا انا وسيطة واطلب لهم من المواقع 

،،

وفي بنات طلبوا مني اشرح لهم عن الشحن

،،

وعشان اذا عجبكم شي من اي موقع مايكون في عائق

وماتحتاجون حد يطلب لكم

كل وحده تطلب لنفسها وتصير مندوبة لأهلها وتاخذ عليهم عمولة هههه 

أنا مندوبة لهم من غير عمولة

،،

 سويت الحساب والمدونة عشان تستفيدوا من تجاربي،

وأصور لكم كل شي شريته اونلاين واشرح لكم الطريقة والشحن

حتى احيان يكون قد طلبت من موقع بس ماصورت اللي طلبته

ومااكتب عنه عشان ماعندي صور 

ابغى يكون كل شي تصويري ماابغى صور من النت

لأني أحب المدونات اللي يكون فيها تجارب شخصية والبلوقر اللي تصور مشترياتها

يعني شي ملموس،،

التسوق الإلكتروني يعلمك الروقان والريلاكس

دائماً اقول الحمدلله كل  شي موجود وانا قاعده في البيت ويجيني للباب وانا جالسة 

واحياناً اجيب اكلي واقعد اتصفح مواقع،كأني بشوف فيلم والا مسلسل،

واحياناً وانا في السيارة

مافي إنتظار عند الكاشير،أو ادور للقطعة في فروع ثانية

أوفر وقت وجهد،

المواقع أرخص من المحلات لأن المحلات تستأجر في اماكن غالية فياخذون دبل السعر

والتنوع في المواقع أكثر،

،،

التسوق من النت سهل مره حاجتين بس تسوونها 

 تطلعون ڤيزا وبعد الڤيزا تشتركون مع شوب آند شيب

اذا صار عندكم ڤيزا والإشتراك خلاص كل شي سهل

حتى شركات الشحن الثانية والتجميع تصير سهلة

،،،

بنصحكم من خلال تجربتي بڤيزا بنك الإنماء

أنا استخدمها في التسوق 

الشي الحلو فيها إنها ڤيزا وبطاقة صراف نفس الشي

يفتحون الحساب بدون رسوم

وتستخدم حساب بنكي عادي وسحب وڤيزا،خيار تفعيل الڤيزا يكون من التطبيق الأونلاين وإذا ماتبغونها فيزا خايفين إن في موقع يسحب منها تقدرون تلغون من الموقع بس

مايحتاج تحويل زي ماسترد كارد الأهلي 

كانت دائماً فيها مشاكل ماتقبل التحويل والشراء في الليل وبداية الصباح

بعد ڤيزا الانماء ماعد استخدمت الأهلي

انصحكم فيها للي ماعندهم أو اللي يبغون يختارون شي أفضل

سعر الصرف للدولار زي الباقي 3.86

ونصيحة لاتشترون من اي موقع الا تتأكدون إنه موثوق

تكلمت عن تطبيق تحطون فيه رابط الموقع ويطلع لكم اذا الموقع آمن أو لا

هذا هو

http://www.scamadviser.com

،،

بقولكم معلومة بخصوص التسوق من أمازون يطلع لكم عند الدفع بالريال أو الدولار ختاروا بالدولار لأنه إذا كان بالريال ياخذون سعر صرف زياده 

،،

بشرح لكم شوب آند شيب

ضروري يكون عندكم كلكم،لأنه يعطي عنوانين كثيرة في18 دولة

(كندا-أمريكا-المانيا-دبي-لندن-كوريا الجنوبية-ماليزيا-سنغافورة-جنوب أفريقيا-إسبانيا-تركيا-تايلاند-فرنسا-هونغ كونغ-الهند-إيطاليا-اليابان)

يعني احياناً تبغين تطلبين من موقع الماني أو ايطالي أو تركي 

يكون الشحن داخل الدولة بس مايشحنون دايركت للسعودية او دول الخليج

تحطين لهم عنوانك في نفس الدولة وارامكس يجيبونه لباب البيت

شوب آند شيب سهل جداً جداً

هذا الرابط شوب آند شيب

https://www.shopandship.com/ar/home

أو نزلوا التطبيق في الجوال

هذا هو

الموقع بالعربي

تختارون تسجيل جديد وامشوا على الخطوات

الأسم والإيميل ورقم الجوال

بعدين عنوانكم الحالي 

تحطون عنوان البيت بالضبط،لأن الشحنات لما ياخذونها ويجيبونها لكم على العنوان المسجل من غير مايتصلون ويقولون وين تاخذينها

يرسلون لك رسالة انها خرجت للتسليم

وافضل شي انهم مع ارامكس لأن توصيلهم لباب البيت

بعد العنوان تحطون الڤيزا او الماستركارد

واخر شي شي تحطون صورة الهوية صوروها من الجوال وحطوها

التسجيل خلوه من الجوال عشان الصورة تحطونها بسرعة

الرسوم تدفعونها مرة وحدة بس 45$
170ريال
الشحن لأول نص كيلو ب68 ريال وكل نص كيلو زيادة ياخذون 35 ريال

الإيميل اللي تسجلون فيه لازم يكون اللي تستخدمونه على طول،يسون عروض تخفيض لأسعار الشحن

ولأن الشحنة إذا استلموها يرسلون لكم إيميل انها وصلت لهم

وأي اسئلة حياكم💕