مرحبا❤
تدوينة اليوم عن القطع اللي عجبتني من موقع فاشن نوفا وموقع فكتوريا سيكرت،لأنها مواقع اكرر الطلب منها،
طريقة الشراء من الموقعين نزلتها
هنا من فكتوريا سيكرت
http://shopperfatmah.blogspot.com/2016/07/victorias-secret.html
وفاشن نوفا في الإنستقرام،
اعذروني على التصوير مو راضيه عنه،تصوير الملابس بهذي الطريقة ظلم لها،حاولت قد مااقدر بس إن شاءالله اشتري مانيكان عشان أصور عليه القطع يكون اوضح
أول شي بقولكم افضل القطع اللي عجبتني من فكتوريا سيكرت وهو هذا بنطلون بجامة،
يجي كذا لوحدة،صراحة من افضل قطع فكتوريا سيكرت،في اللبس مره حلو،قصير شوي ويضيق من النهاية،طوله مره حلو مايمسح الأرض وقماشة مريح ،في الصورة شكله واسع مره بس في اللبس مضبوط مقاسه مره حلو،
ترا مقاسه اكس سمولXS
،خذت منه اثنين يستاهلون صراحة،شريتها قبل فترة دخلت الموقع مالقيتها للأسف
وهذا النوع صراحة رائع هو سليب شيرت اوsleep tee
مريح مرره وجميل ،فيه قصة حلوة وفضفاض،
هذا الرابط شوفوا الأشكال والأسعار
https://www.victoriassecret.com/sleepwear/shop-all-sleep/angel-sleep-tee?ProductID=323960&CatalogueType=OLS
وهذا بنطلون ترنق من بنك مره حلو موديلة ماسك ويكون شوي ميدي،عجبني مره وطقمت عليه هودي أسود ومكتوب على الكم pink
وهنا القطع اللي ماعجبتني
هذي القطعة اللي ماانصح فيها هذي البجامة،احب شكلها ولونها،اول مره لبستها كانت جميلة،قبل ماتنغسل.بعدين القماش حبب ومو مريحة الأكمام كل شوي توصل للكوع والبنطلون طويل يسحب في الأرض،علماَ اني مختارة المقاس العادي مو الطويل(في الموقع تختاري اذا تبغي البجامة بالطول العادي او طويلة،،يمكن على طول عارضاتهم) وواسع بزيادة ،ابداً مو مريحة،هذي ثاني مره اخذ من هذا النوع القطني،الأولى اصلاً ماالبسها،بس يوم شفت هذي في الموقع عجبني لونها ،وقلت اعطيها فرصة ثانية لكن ماتستاهل ابداً،خسارة فيها
هذي هي،في الرابط
https://www.victoriassecret.com/sleepwear/shop-all-sleep/the-sleepover-knit-pajama?ProductID=322101&CatalogueType=OLS
في نفس الموديل ساتان ونفس قماش بنطلون البجامة،الساتان ماجربتها،والنوع الثاني جربته،بس مراح ارجع اشتري،في ماركات ثانية تبيع نفس الموديلات بأقمشه احلى
،هذي سبورت تي شيرت،باقي مالبستها بس جربتها،قماشها ماعجبني احس مو مريح وقت الرياضة،والثاني الأبيض برضو قماش غير مريح، بس الموديل رائع كله ورا
الأثنين مقاسهم XS
اما موقع فاشن نوفا،كتبت عنه في إنستقرام
بس بوريكم القطع اللي عجبتني
هذا ترنق رائع مره في اللبس، متوفر بعدة الوان،مره حلو في اللبس ويحلي الجسم،البنطلون هاي ويست،والهودي يجي قصير،مره حلو وقماشه حلو ،،
شوفوا هنا في اللبس على العارضة
https://www.fashionnova.com/collections/matching-sets/products/wanderlust-hoodie-rose
هذا كل قطعة تنباع لوحدها وكل قطعة سعرها 71ريال
وهذا طقم البدي مع البنطلون،،البنطلون هاي ويست وواسع من تحت،في الصورة ظلم،شكله مره طويل،في الواقع مرة حلو الطول والمقاس مضبوط
هنا على العارضة شوفوا كيف جميل،،
سعره 93 ريال
https://www.fashionnova.com/collections/matching-sets/products/keep-it-on-the-low-set-black
أسعارهم حلوه وملابسهم أحلى تحلي الجسم
،،
كل هذي القطع جديدة قبل اللبس واضح عليها حوسة الشحن،،باقي ملابس خروج،بس المشكلة ماضبطت في التصوير،،
المرة الجاية إن شاءالله اصور بشكل افضل،هذي اسرع تدوينة،عشان حماسكم في إنستقرام صورت،وكتبت في أسرع وقت
،،
قولوا لي رأيكم في هذا النوع من التدوين
❤
